წულუკიანი: მშვიდად იყავით, თუ გაჩნდება გადაყვანის საფუძველი, სააკაშვილსაც გადაიყვანენ

ამბობს კულტურის მინისტრი თეა წულუკიანი მიხეილ სააკაშვილის ჯანმრთელობის მდგომარეობაზე. ომბუდსმენის მიერ შექმნილმა სპეციალისტთა ჯგუფმა ექსპრეზიდენტის სამედიცინო მდგომარეობის მონიტორინგის შედეგების შესახებ დასკვნა გამოაქვეყნა. მათი განცხადებით, პაციენტის მდგომარეობის კრიტიკულობიდან გამომდინარე, მისი მკურნალობის გაგრძელება დაუყოვნებლივ რეკომენდებულია ფუნქციურად გამართულ და დიდი გამოცდილების მქონე პოლიპროფილურ ჰოსპიტალში.