გაბუნია: აცრის მაღალი მაჩვენებლის გამო თბილისში და აჭარაში გავრცელება ყველაზე დაბალია

ჰოსპიტალიზაციის პროცენტი ამ მიმდინარე პერიოდში არის 12%, რაც შედარებით დაბალია, ვიდრე ჩვენ გასული ტალღების პერიოდში გვქონდა. ეს მიუთითებს იმას, რომ გამომდინარე ვაქცინაციის ფონიდან, შემთხვევები შედარებით მსუბუქია და ჰოსპიტალიზაცია საჭირო არ არის, თუმცა ჰოსპიტალური სექტორი მობილიზებული რჩება. დაახლოებით, 9 000 საწოლი, რომელიც მობილიზებული გვქონდა მე-4 ტალღის პიკურ პერიოდში, მობილიზებული დარჩა და აქედან დაკავებულია 5 679. დანარჩენი არის თავისუფალი. უფრო მეტად თავისუფალი საწოლფონდი არის თბილისში და აჭარაში, რადგან გამომდინარე ვაქცინაციის მაღალი მაჩვენებლებიდან, დღეს თბილისში და აჭარაში ინფექციის გავრცელების ტემპი არის ყველაზე დაბალი. ამდენად ჩვენ ვიყენებთ ამ საწოლფონდს სხვა რეგიონებისთვის.