FORBES-ის ინფორმაციით, FACEBOOK-ის შემქმნელის, მარკ ზაკერბერგის ქონება თითქმის 7 მილიარდი დოლარით შემცირდა. საიტის გათიშვის გამო მისმა აქციებმა 5%-ით იკლო.
უკვე 4 საათია, რაც FACEBOOK-ი, WHATSAPP-ი, INSTAGRAM-ი, MESSENGER-ი გათიშულია. ყველა სერვისს ერთი კომპანია Facebook-ი ფლობს.
Facebook-ის საიტზე შესული მომხმარებლები სხვადასხვა ტექნიკური ხარვეზის შესახებ შეტყობინებას ხედავენ. WhatsApp-ის და Messenger-ის აპლიკაციები იხსნება, თუმცა მომხმარებლები ახალი შეტყობინებების გაგზავნას და მიღებას ვერ ახერხებ. არ მუშაობს Instagram-ის აპლიკაცია და საიტიც.
როგორც Twitter-ის მომხმარებლები წერენ, Facebook-ის სოციალურ ქსელის პრობლემა მსოფლიოს მასშტაბით სხვადასხვა ქვეყანაშია.
Facebook-ი სოციალური ქსელის პრობლემებს Twitter-ზე გამოეხმაურა.
"ჩვენთვის ცნობილია, რომ ზოგიერთ ადამიანს აქვს ჩვენს აპლიკაციებსა და პროდუქტებზე წვდომის პრობლემა. ვმუშაობთ, რათა რაც შეიძლება სწრაფად დავუბრუნდეთ ნორმალურ მდგომარეობას. ბოდიშს ვიხდით შეფერხებისთვის." - ნათქვამია Facebook-ს განცხადებაში.
