საერთაშორისო რესპუბლიკური ინსტიტუტი (IRI) კვლევის შედეგებს აქვეყნებს, რომლის მიხედვითაც, მთლიანობაში მოსახლეობის 60% კმაყოფილია Covid-19-ზე ხელისუფლების რეაგირებით, ხოლო 37% - უკმაყოფილო.
კვლევის კითხვაზე, "რამდენად ხართ Covid-19-ზე მთავრობის რეაგირებით კმაყოფილი" პასუხები შემდეგნაირად გადანაწილდა:
- 13% – ძალიან კმაყოფილი
- 47% – ნაწილობრივ კმაყოფილი
- 21% – ნაწილობრივ უკმაყოფილო
- 16% – ძალიან უკმაყოფილო
- 3% – არ ვიცი/უარი პასუხზე
IRI-ს კვლევის მიხედვით, Covid-19 მთავრობის რეაგირებით კმაყოფილება შემცირებულია 2020 წლის ივლისის მონაცემებთან შედარებით.
Covid-19-ზე მთავრობის რეაგირებით 2020 წლის ივლისში მოსახლეობის 41% ძალიან კმაყოფილი იყო, 38% – ნაწილობრივ კმაყოფილი, 13% – ნაწილობრივ უკმაყოფილო, ხოლო 7% – ძალიან უკმაყოფილო. (1% არ ვიცი/უარი პასუხზე)
კვლევა ჩატარებულია 2021 წლის 15-30 ივნისის პერიოდში, პირისპირი ინტერვიუების გზით. გამოკითხვაში მონაწილეობა მიიღო 1500-მა სრულწლოვანმა რესპონდენტმა. ცდომილების ზღვარი წარმოადგენს +/- 2.5 %.