რუსეთის თავდაცვის მინისტრის, სერგეი შოიგუს თქმით, რუსეთი დასავლეთ საზღვრებთან, წლის ბოლომდე, დასავლეთის სამხედრო ოლქში 20 ახალ შენაერთსა და დანაყოფს შექმნის.
შოიგუს თქმით, ეს არის პასუხი რეგიონში NATO-სა და აშშ-ს აქტიურობაზე.
"ჩვენი დასავლელი კოლეგების ქმედებები მსოფლიოში უსაფრთხოების სისტემას ანგრევენ და გვაიძულებენ, მივიღოთ შესაფერისი საპასუხო ქმედებები". – თქვა შოიგუმ.
აპრილში რუსეთის დასავლეთ საზღვრებზე სამხედრო შენაერთების აქტიურობამ უკრაინაში საგანგაშო ვითარება შექმნა.