გოლეთიანი: 26 მაისის დაკნინებაზე არაა საუბარი, არამედ იმ ხალხის მოსმენაზე, ვინც იქ გამოდის

დაინტერესებულია ხალხი ახლა ჩვენი გაშავებით და გამარგინალებით, ამბობენ რას, რომ უბრალოდ ჩვენ ვართ რაღაც მართული ძალა და რას ვითხოვთ, თითქოს გაუგებარია მათთვის. სინამდვილეში ჩვენ გვაქვს პრეტენზია ხელისუფლებასთან, პრემიერთან, სხვა არაერთ ჩინოვნიკთან, ვინც უშუალოდ კავშირშია ნამახვანჰესის კასკადის დოკუმენტაციასთან და ხელისმოწერებთან, რაც იქ არის. 26 მაისს გამოდიან ის ჩინოვნიკები, ვისაც ზოგადად მიემართება ჩვენი პროტესტი, ამიტომ, თუ ჩვენ ვეუბნებით მოქალაქეებს, რომ ეს ბრძოლა არის თითოეული ადამიანის ბრძოლა დღეს, მაშინ სად უნდა იდგეს ლოგიკურად ადამიანი? აქ თვითონ დღის მნიშვნელობის დაკნინებაზე კი არ არის საუბარი, 26 მაისის, აქ არის საუბარი იმ ხალხის მოსმენაზე, ვინც აქ გამოდის და ვისაც ვთვლით დამნაშავედ