არასამთავრობო ორგანიზაცია Freedom House-ის ანგარიშის მიხედვით, 2021 წელს საქართველოს დემოკრატიულობის რეიტინგი კიდევ ერთხელ შემცირდა.
დემოკრატიის კომპონენტში 100-დან საქართველოს 36.3% აქვს, რაც გასულ წელთან შედარებით, 1.2%-ითაა შემცირებული.
ქართული დემოკრატია კი 7-ქულიან სკალაზე 3.18 ქულით არის შეფასებული.
ანგარიშის მიხედვით, დემოკრატიულობის მაჩვენებელზე ცუდად არის ასახული პოლიტიკისა და მედიის პოლარიზაცია და რადიკალიზაცია.
Freedom House-ის შეფასებით, 2020 წლის საპარლამენტო არჩევნებში დაფიქსირდა ამომრჩევლის მოსყიდვის ფაქტები, რასაც ოპოზიციის მხრიდან ბოიკოტი მოჰყვა. საბოლოო ჯამში, საარჩევნო პროცესის შეფასება 3.25-დან 3.0-მდე შემცირდა.
ასევე შემცირებულია მედიის დამოუკიდებლობის რეიტინგიც, კერძოდ, 3.75-დან 3.5-მდე.
საუკეთესო მაჩვენებელი, 100-დან 76, საქართველოს მხოლოდ ინტერნეტ თავისუფლების რეიტინგში აქვს.
რწმენის თავისუფლების მხრივ, ანგარიშში ხაზგასმულია რელიგიური უმცირესობების შევიწროების ფაქტები.
ორგანიზაციის შეფასებით, საქართველო ისევ ნახევრად თავისუფალი ქვეყნების სიაში რჩება.
