თბილისის ზოოპარკში ორი ლემური დაიბადა. ფოტოებს თბილისის ზოოპარკის ოფიციალური FB გვერდი ავრცელებს.
"დიახ! ჩვენ ორი პატარა გვყავს. ამ ელფისყურა არსებების საბინადრო არეალი ჯერჯერობით დედის სხეულით შემოიფარგლება - როცა შიათ, მუცლისკენ მიბობღავენ, თამაშისა და შემეცნების ხასიათზე თუ არიან, ზურგზე ასკუპდებიან. ამ ეტაპზე დედაა მათი უსაფრთხო თავშესაფარი და საკვების წყარო, ამიტომ ხმელეთზე საერთოდ არ გადადიან. კიჭა გამოცდილი, რკინის ქალამნებიანი დედაა და იმედი გვაქვს, მშვიდობით მიიყვანს შვილებს იმ ასაკამდე, როცა დედას ჩამოსცილდებიან და ვოლიერში, სხვა ლემურების გვერდიგვერდ გააგრძელებენ ცხოვრებას". – წერს გვერდის ადმინისტრატორი.
