13 მარტიდან სავაჭრო მოლები და ბაზრობები შაბათ-კვირასაც იმუშავებენ.
საკოორდინაციო საბჭოს გადაწყვეტილებით, 8 მარტიდან პანდემიის გამო დაწესებული შეზღუდვების შემსუბუქების კიდევ ერთი ეტაპი დაიწყო.
- რესტორნებს შიდა სივრცეში მუშაობის უფლება მიეცათ, თუმცა შეზღუდვა შაბათ-კვირას შენარჩუნდება;
- გაიხსნა სამთო კურორტები.
15 მარტიდან:
- მუშაობას განაახლებენ სპორტული დარბაზები;
- სასწავლო პროცესი უმაღლეს და პროფესიულ სასწავლებლებში აუდიტორიებში აღდგება;
- აღდგება სასკოლო წრეების ფუნქციონირება;
- რეპეტიციებსა და ვარჯიშს განაახლებენ თეატრები, სპორტული კლუბები, პროფესიული ანსამბლები.
1-ელი აპრილიდან:
- თეატრალური წარმოდგენები, სპორტული შეჯიბრებები მაყურებლების დასწრებით აღდგება.
ქვეყანაში 21:00-დან 05:00 საათამდე მოქმედი კომენდანტის საათი კვლავ ძალაში რჩება. 25 თებერვლიდან უკვე გაიხსნა სასტუმროები სამთო კურორტებზე და აღდგა საქალაქთაშორისო ტრანსპორტის მოძრაობა. 27 თებერვლიდან საზოგადოებრივი ტრანსპორტი კვირის დღეებთან ერთად შაბათ-კვირასაც მუშაობს. 1-ლი მარტიდან გაიხსნა კერძო და საჯარო ბაღები. უმაღლეს და პროფესიულ სასწავლებლებში კლინიკური, პრაქტიკული, ლაბორატორიული საქმიანობა აღდგა და გამოცდების არადისტანციურ ფორმატში ჩატარება შეუძლიათ. მუშაობა განაახლეს მუზეუმებმა და ბიბლიოთეკებმა. განახლდა კონფერენციები და ტრენინგები.
