ელენე ხოშტარიას მიერ დაფუძნებული მოძრაობა დროა 2020 წლის საპარლამენტო არჩევნების გაყალბების მექანიზმების შესახებ ვიდეომიმართვას ავრცელებს. მიმართვაში ხოშტარია არჩევნების გაყალბების 13 მექანიზმს ასახელებს:
- კარდაკარის სქემა
- ყალბი რეგისტრაცია
- ლამიზილ უნო – მარკირების წასაშლელად
- სპეციალური სიები
- კომისიის წევრების ყალბი ხმები
- გადასატანი ყუთები
- რუსული კარუსელი
- ჩვეულებრივი კარუსელი
- ბათილი ბიულეტენები
- COVID-სპეცუბნები
- მწვანე უბნები – კომისიის წევრების მოსყიდვა
- დაშინება და ძალადობა
- ოქმების ჩასწორება
გაყალბების მექანიზმების გარდა, ელენე ხოშტარია ასევე პასუხობს კითხვებს – "ვინ აყალბებდა არჩევნებს, რის სანაცვლოდ და სად არის გამყალბებლების ფარული შეკრების ადგილი, სადაც არჩევნების შედეგი იწერება".
ელენე ხოშტარიამ ახალი პოლიტიკური მოძრაობა დროა 7 მარტს დააფუძნა. მოძრაობას 4 ძირითადი პოლიტიკური მიმართულება აქვს, რომელთაგან ერთ-ერთი მხილების ინსტრუმენტია. ეს გულისხმობს YouTube არხს, სადაც ხოშტარია ცენტრალური და ადგილობრივი ხელისუფლების მამხილებელ მასალას გამოაქვეყნებს, კორუფციის, გაყალბების, ძალადობის, ნეპოტიზმისა და რუსეთთან კავშირების კუთხით.
