კობი ბრაიანტის გარდაცვალება

ვანესა ბრაიანტი: ძალიან მომენატრნენ ჩემი პატარა გოგო და კობი

Getty Images

ვანესა ბრაიანტმა თავისი ქმრისა და შვილის, კობი და ჯიანა ბრაიანტების გარდაცვალების ერთი წლის გასვლას Instagram-ზე პოსტი მიუძღვნა.

ბრაინტმა გამოაქვეყნა წერილი, რომელიც ჯიანას მეგობარმა მას მისწერა და სადაც მოზარდი ჰყვება, როგორ მოენატრა ჯიანა ბრაიანტი.

“დღეს ეს წერილი მივიღე ჯიანას საუკეთესო მეგობრისგან. მიყვარხარ აუბზ (როგორც ჯიანა გეძახდა). მადლობა, რომ გამიზიარე შენი მოგონებები ჩემს ჯიჯიზე და მომეცი საშუალება, გამეზიარებინა ჩემებიც. ჩემი ჯიჯი გასაოცარია და მე ძალიან ვაფასებ ამ წერილს. მას ძალიან უყვარხარ. მე ასევე ძალიან მომენატრნენ ჩემი პატარა გოგო და კობი. ვერასდროს გავიგებ, ასეთი ტრაგედია ლამაზ, კეთილ და საოცარ ადამიანებს რატომ უნდა დამართნოდათ. ეს კვლავ არ ჩანს რეალური. კობი, ჩვენ სწორად მოვიქეცით. ჯიჯი, დედა კვლავ ამაყობს შენით. მიყვარხარ”. – წერს ვანესა ბრაიანტი.

გუშინ, 26 იანვარს, ლეგენდარული კალათბურთელისა და მისი შვილის - კობი და ჯიანა ბრაიანტების გარდაცვალებიდან ერთი წელი გავიდა.

მამა-შვილი კალაბასასში ვერტმფრენის ჩამოვარდნის შედეგად გარდაიცვალა.

კომენტარები