Edison Research-ის კვლევის მიხედვით, ქვეყანაში მთავარ პრობლემად კრიმინალს მოსახლეობის მხოლოდ 16% ასახელებს. გამოკითხულთა უმეტესობა ქვეყნისთვის მნიშვნელოვან პრობლემებად უმუშევრობას (63%), სიღარიბეს (52%) და მზარდ ფასებს (43%) მიიჩნევს. გამოკითხვის თანახმად, მოსახლეობის 20% ნარკომანიას ასახელებს საქართველოსთვის მნიშვნელოვან პრობლემად, ხოლო 18% – ოკუპირებულ ტერიტორიებს.
სხვა პასუხები შემდეგნაირად ნაწილდება:
- 15% – კორონავირუსი
- 12% – განათლებას
- 12% – აზარტული თამაშებს
- 11% – ჯანდაცვას
- 7% – ემიგრაციას
- 7% – კორუფციას
- 6% – კანონის უზენაესობის ნაკლებობას
- 2% – გარემოს დაცვის პრობლემებს
- 1% – მედიის თავისუფლება
კვლევა ტელეკომპანია ფორმულას დაკვეთით, 17 სექტემბერი – 7 ოქტომბრის პერიოდში, პირისპირ გამოკითხვის მეთოდით ჩატარდა. Edison Research-მა ქვეყნის მასშტაბით შემთხვევითი შერჩევის ტიპით გამოკითხა საქართველოში მცხოვრები საარჩევნო უფლების მქონე 18 წლისა და მეტი ასაკის 4500 ადამიანი. შედეგების ცდომილება +/- 1.5%-ია.
