"შურისმაძიებლების" ვარსკვლავმა, კრის ევანსმა გმირ ბიჭს, ბრიჯერ უოკერს, რომელმაც ძაღლის თავდასხმისგან თავისი და გადაარჩინა, "კაპიტანი ამერიკას" ფარი აჩუქა.
"მეგობარო, შენ ნამდვილი გმირი ხარ, მამაცი და თავგანწირული. შენი მშობლები ამაყობენ შენით, შენს დას ძალიან გაუმართლა რომ ასეთი ძმა ყავს". – ეუბნება ვიდეომიმართვაში ევანსი.
რამდენიმე დღის წინ ეზოში თამაშისას ბრიჯერის უმცროს დას ძაღლი გამოეკიდა. ბიჭი ძაღლსა და თავის პატარა დას შორის ჩახტა და გადაწყვიტა, ძაღლს თავად შეტაკებოდა. სანამ ბავშვები უსაფრთხო ადგილას გაქცევას მოახერხებდნენ ცხოველმა ბრიჯერი დაკბინა.
"თუკი ვინმე უნდა მომკვდარიყო, ეს აუცილებლად მე უნდა ვყოფილიყავი". – თქვა მოგვიანებით ბრიჯერმა.
მას სახეზე 90-მდე ნაკერი დაადეს.