ამერიკელი მსახიობი კიანუ რივზი ბავშვთა ონკოლოგიურ დაავადებებთან მებრძოლი საქველმოქმედო ორგანიზაციის Camp Rainbow Gold-ის აქციაში მიიღებს მონაწილეობას.
რივზი Zoom-ის მეშვეობით 15 წუთის განმავლობაში პირადად გაესაუბრება თავის თაყვანისმცემელს, რომელიც საქველმოქმედო ფონდში ყველაზე მეტ ფულს ჩარიცხავს.
გამარჯვებულს ურჩევენ, კითხვები წინასწარ მოამზადოს. საუბარი რივზისთვის სასურველ დროს, 6-12 ივლისის შუალედში შედგება.
წარსულში საქველმოქმედო ორგანიზაციამ მსგავს პროექტში მომღერალი ელი ბრუკი და გახმოვანების მსახიობი რობ პოლსენი მიიწვია.