თვითიზოლაციის წესების დარღვევისთვის იძულებით კარანტინში კიდევ 14 ადამიანი გადაიყვანეს. შსს-ს ცნობით, 19 მარტს თვითიზოლაციის წესები მოქალაქეებმა თბილისში, იმერეთში, სამეგრელოში, ქვემო ქართლში, სამცხე-ჯავახეთსა და აჭარაში დაარღვიეს.
"ამ დროისათვის, თვითიზოლაციის წესების დარღვევის გამო, საკარანტინო ზონებში, იძულების წესით, ჯამში, 141 ადამიანია გადაყვანილი" - აცხადებს შსს და აღნიშნავს, რომ საქართველოს ტერიტორიაზე მყოფი ყველა პირი ვალდებულია დაემორჩილოს საზოგადოებრივი ჯანმრთელობის სფეროში მოქმედ კანონმდებლობის მოთხოვნებს და პატივი სცეს საზოგადოებრივი ჯანმრთელობის სამსახურის გადაწყვეტილებებს.
"შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ აღნიშნულ რეგულაციებს" - ნათქვამია განცხადებაში.
საქართველოში კორონავირუსის 43 დადასტურებული შემთხვევაა გამოვლენილი.
