დაპირისპირება საკრებულოში

კანდელაკი: სანამ კუხიანიძე თანამდებობაზეა, ოცნება გაფრინდაშვილის ოჯახის გინებას იზიარებს

მანამ, სანამ ერეკლე კუხიანიძე არის თანამდებობაზე, ქართული ოცნება ვაჟა გაფრინდაშვილის ოჯახის გინებას იზიარებს, ჩვენი ეროვნული მოძრაობის გინებას და აგერ ქაქუცა ჩოლოყაშვილის გინება რაღაა - წარმოუდგენელია. ამაზე მეტი შეურაცხყოფა ძნელად წარმოსადგენია.

ამბობს ევროპული საქართველოს დეპუტატი გიორგი კანდელაკი. ცნობისთვის, დღეს, 17 დეკემბერს, საკრებულოში აქტივისტებმა დეპუტატ ერეკლე კუხიანიძის კაბინეტში კარავი გაშალეს. ისინი კუხიანიძისგან ბოდიშის მოხდას და მანდატის დატოვებას ითხოვდნენ. ერეკლე კუხიანიძემ საზოგადოების ყურადღება 14 დეკემბერს გამოქვეყნებული Facebook პოსტით მიიპყრო. საკრებულოს წევრმა ოკუპანტების მიერ გატაცებული ექიმის ვაჟა გაფრინდაშვილის ოჯახს "პროვოკატორები", "იდიოტები" უწოდა და აგინა.

კომენტარები