პრინცი ჰარი ანგოლაში, დირიკოს დანაღმულ ველზე ჩავიდა. 22 წლის ანგოლაში HALO ფონდის მხარდასაჭერად მისი დედა, პრინცესა დიანა იმყოფებოდა. ჰარიმ დირიკოს ველი სწორედ ამ ფონდთან ერთად მოინახულა.
"ნაღმები ომების მოუშუშებელი ჭრილობებია. მათი გაწმენდით ჩვენ ვეხმარებით მოსახლეობას იპოვონ მშვიდობა, რასაც შესაძლებლობები მოჰყვება. ასევე, ამ გზით ჩვენ დავიცავთ ამ ხეობის უნიკალურ ბუნებას." თქვა მან.
22 წლის წინ დიანას ვიზიტმა საერთაშორისო საზოგადოების ყურადღება მიიქცია. ვიზიტიდან რამდენიმე თვეში ის ავტოსაგზაო შემთხვევის შედეგად გარდაიცვალა. იმავე წელს მიიღეს შეთანხმება, რომელიც ნაღმების გამოყენებას კრძალავს.
დანაღმული ველი, რომელიც მაშინ დიანამ მოინახულა ამჟამად ნაღმებისაგან თავისუფალია და მისი სახელობის ქუჩა მდებარეობს.
"დიდი პატივია დედაჩემის ნაკვალევზე სიარული. მე ის 22 წლის წინ დავკარგე, მაგრამ მისი ხსოვნა ჩემში მუდამ ცოცხლობს, ისევე, როგორც მისი მემკვიდრეობა. ვამაყობ, და ვიცი რომ დედაც იამაყებდა იმ როლით, რაც დიდმა ბრიტანეთმა ამ ტრანსფორმაციაში ითამაშა." თქვა მან.
ჰარი პრინცესა დიანას სახელობის სამედიცინო ცენტრში იმ ადამიანებსაც შეხვდა, ვინც ნაღმების გამო დაშავდნენ.
HALO ბრიტანული საქველმოქმედო ორგანიაციაა, რომელიც დიანასთანაა ასოცირებული და მას ახლა პრინცი ჰარი მფარველობს. ორგანიზაცია ქვეყნებს ომების შემდეგ დარჩენილი ნაღმების გაწმენდაში ეხმარება. ორგანიზაციის დახმარებით ანგოლა ნაღმებისაგან 2025 წლამდე უნდა გათავისუფლდეს.
ამ დრომდე ანგოლაში 27-წლიანი სამოქალაქო ომის შედეგად ამ დრომდე 1,000-ზე მეტი დანაღმული ველია, რომელიც მოსახლეობას კვლავ უქმნის საფრთხეს.
პრინცი ჰარი აფრიკის ტურზე ცოლთან და შვილთან ერთად იმყოფება. ანგოლას შემდეგ ის მალავიში ჩავა, სადაც ლივონდეს ეროვნულ პარკში ბრაკონიერების წინააღმდეგ ბრძოლის მეთოდებს გაეცნობა.