3 სექტემბერს, ანტისაოკუპაციო აქციის ორგანიზატორები პარლამენტარებს სირცხვილის დერეფნებს მოუწყობენ. დეპუტატებს, 11:00-ზე, პარლამენტის სამივე შესასვლელთან დახვდებიან.
"3 სექტემბერს, ზაფხულის არდადეგების მერე, პარლამენტი იწყებს მუშაობას. მოქალაქეებს არცერთი დღე არ დაგვისვენია ამ ზაფხულს.
მოქალაქეებმა ეს ზაფხული გავატარეთ: პარლამენტის წინ, ბიძინას ბიზნეს-ცენტრთან, საოკუპაციო ხაზთან, პროკურატურასთან, მედიასთან, სასამართლოსთან, სასამართლოში, წინასწარი დაკავების იზოლატორში, ციხეში და ქვეყნის სამსახურში.
დასვენებული პარლამენტარების დახვედრის ცერემონია გაიმართება 3 სექტემბერს, 11:00 საათზე. გელით ყველას პარლამენტის სამივე შესასვლელთან, სასტვენებით და ბანერებით.
შევახსენოთ ვისთვის და რისთვის უნდა მუშაობდნენ სინამდვილეში.
#სირცხვილია" - წერენ აქციის ორგანიზატორები.
პარლამენტთან მოქალაქეები 20 ივნისის შემდეგ ითხოვენ, გიორგი გახარიამ აიღოს პასუხისმგებლობა აქციის ძალადობრივ დაშლაზე და გადადგეს.
