ტაბულა
ტაბულა
ტაბულა
ტაბულა
ტაბულამას შემდეგ, რაც სპეცრაზმმა ცრემლსადენი გაზი და რეზინის ტყვიები გამოიყენა, პარლამენტის მიმდებარე ტერიტორიაზე აქცია ნაწილობრივ დაიშალა. თუმცა, მოქალაქეების ნაწილი ადგილზე რჩება.
პარლამენტთან აქცია, რომელიც რუსი დეპუტატების საქართველოში სტუმრობას აპროტესტებდა, რამდენიმე საათში დაპირისპირებაში გადაიზარდა. მდგომარეობა მას შემდეგ დაიძაბა, რაც ენმ-ის ლიდერმა ნიკა მელიამ აქციის მონაწილეებს პარლამენტში შესვლისკენ მოუწოდა. მათ პოლიციამ შენობაში შესვლის საშუალება არ მისცა, რის შემდეგაც, რამდენიმე სპეცრაზმელს ჩაფხუტები და ფარები წაართვეს და ბოთლები ესროლეს.
ოპოზიციონერი პოლიტიკოსები ხელისუფლებასთან შედიოდნენ მოსალაპარაკებლად, როცა სპეცრაზმმა პარლამენტის შენობის მიმდებარე ტერიტორიასთან ცრემლსადენი გაზი გაუშვა, კვამლი და სუნი მეტრო თავისუფლების მოედნამდე იგრძნობოდა. სამართალდამცველებმა ისროლეს რეზინის ტყვიებიც, არიან დაშავებულები, როგორც ცრემლსადენი გაზით, ისე რეზინის ტყვიებით, მათ შორის, მედიის წარმომადგენლები.
