შინაგან საქმეთა სამინისტროს ინფორმაციით, ყაზბეგში ვერტმფრენის ჩამოვარდნის შედეგად მასში მყოფი სამივე ადამიანი გარდაიცვალა. ვერტმფრენში ეკიპაჟის წევრები სასტუმრო "რუმს ჰოტელ ყაზბეგის" ერთი თანამშრომელი იმყოფებოდა.
შსს-ს ცნობით, ცოტა ხნის წინ დაბა სტეფანწმინდაში მდებარე სასტუმროს, "რუმს ჰოტელ ყაზბეგი"-ს კუთვნილი ვერტმფრენი - ე.წ. "ყანების ტერიტორიაზე", დაუსახლებელ ადგილზე ჩამოვარდა.
შემთხვევის ადგილზე მობილიზებულია სამაშველო სამსახურის და სასწრაფო სამედიცინო დახმარების თანამშრომლები, პოლიციამ და ექსპერტ-კრმინალისტებმა დაიწყეს საგამოძიებო მოქმედებები.
მომხდარზე გამოძიება სსკ-ის 275-ე მუხლის მე-6 ნაწილით დაიწყო, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რასაც მოჰყვა ორი ან მეტი ადამიანის სიცოცხლის მოსპობა.