კარლ ლაგერფილდი 1960-იან წლებში, ფრანგულ მოდის სახლში Jean Patou-ში შემოქმედებით დირექტორად მუშაობის დროს.
კარლ ლაგერფილდი მოდელს ზომებს უღებს Chloe-ს პარიზის ოფისში.
კარლ ლაგერფილდი Chloe-ს პარიზის ოფისში.
1984 წელი - კარლ ლაგერფილდი მუშაობის პირველი წელი Chanel-ში.
შანელის 2014 წლის ჩვენება, რომელიც სუპერმარკეტის გარემოში ჩატარდა.
2016 წელს Chanel-მა ჩვენება კუბაში, ჰავანაში ჩაატარა - ეს იყო პირველი საერთაშორისო მოდის ჩვენება 1959 წლის კომუნისტური რევოლუციის შემდეგ.
კარლ ლაგერფილდი Chanel-ის ჩვენების ბოლოს.ლეგენდარული დიზაინერი, მოდის ინდუსტრიის უმნიშვნელოვანესი ადამიანი, კარლ ლაგერფილდი 85 წლის ასაკში გარდაიცვალა.
კარლ ლაგერფილდი 1933 წელს, გერმანიის ქალაქ ჰამბურგში დაიბადა და გაიზარდა.
1952 წელს ლაგერფილდი პარიზში გადავიდა საცხოვრებლად და კრისტიან დიორის შოუს ყურების შემდეგ მიხვდა, რომ მოდის ინდუსტრიაში უნდოდა მუშაობა. 2 წლის შემდეგ ის პიერ ბალმანის პერსონალური ასისტენტი გახდა, 1959 წელს კი ფრანგული ბრენდის, Jean Patou-ის შემოქმედებითი დირექტორის თანამდებობა დაიკავა. ამის შემდეგ, 1964 წელს კარლ ლაგერფილდი Chloe-ს გუნდს შეუერთდა და 1983 წლამდე იქ იყო.
Chloe-ს პარალელურად, 1965 წელს კარლ ლაგერფილდი იტალიური მოდის სახლის, Fendi-ს კრეატიული დირექტორი გახდა, 1983 წელს კი Chanel-ის კრეატიული დირექტორის თანამდებობა დაიკავა - ორივე მოდის სახლში ლეგენდარული გერმანელი დიზაინერი სიცოცხლის ბოლომდე მუშაობდა.
კარლ ლაგერფილდმა 2008 წელს ბრიტანულ ვოგს უთხრა, რომ მისთვის მოდის ინდუსტრიაში მუშაობა სუნთქვასავით არის.
"მე ამას ისე ვაკეთებ, თითქოს უბრალოდ ვსუნთქავ. ხშირად, შუაღამეს იდეებით მეღვიძება, შემდეგ იდეებს ვიწერ და საწოლთან ვდებ, დილით კი მონახაზებს ვაკეთებ, რათა არ დამავიწყდეს".
