ზუგდიდში, ერთ-ერთ სასტუმროში დღეს, დილის საათებში მამაკაცის ცხედარი იპოვეს.
როგორც ტაბულას შინაგან საქმეთა სამინისტროში უთხრეს, პირველადი ინფორმაციით, ცხედარს ძალადობის ნიშნები არ აღენიშნება.
უცნობია გარდაცვლილის ასაკი. შსს-ში ამბობენ, რომ ცხედარს ექსპერტიზა უტარდება.
გამოძიება საქართველოს სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
