თერჯოლის მუნიციპალიტეტის სოფელ ნახშირღელეში უბედურ შემთხვევას 18 წლის ბიჭის სიცოცხლე ემსხვერპლა. წინასწარი ინფორმაციით, ახალგაზრდა მამაკაცი გადაბრუნებული ტრაქტორის ქვეშ მოყვა და ადგილზე გარდაიცვალა.
შსს-მ გამოძიება სსკ-ის 276-ე მუხლის მე-5 ნაწილით დაიწყო. ეს გულისხმობს ავტოსატრანსპორტო საშუალების ექსპლუატაციის წესების დარღვევას, რამაც ადამიანის სიცოცხლის მოსპობა გამოიწვია.