კომპანია ბი-სი-ჯი-ს ჩატარებული კვლევის მიხედვით, გამოკითხულთა 62.4% ამბობს, რომ ბიძინა ივანიშვილმა და ქართულმა ოცნებამ მისი მოლოდინი გააცრუა. 16.1%-ს არანაირი მოლოდინი არ ჰქონია, 14.5%-ის მოლოდინი გაამართლა, 1% კი ამბობს, რომ ბიძინა ივანიშვილმა და ქართულმა ოცნებამ მის მოლოდინს გადააჭარბეს.
ევროპული საქართველოს დაკვეთით, ბი-სი-ჯი კვლევამ წინასაარჩევნო გამოკითხვა 20-24 ოქტომბერს ჩაატარა. რაოფენობრივი კვლევის მეთოდით, საქართველოს მასშტაბით 1508 სრულწლოვანი რესპონდენტი გამოკითხეს. ცდომილების ზღვარი 2-3%-ია.
