ლელიანის კატა ჭაჭუნას აღკვეთილში.
ფოტო: დაცული ტერუტორიების სააგენტო, 19 მაისი, 2018 წელი.
ლელიანის კატა (Felis chaus), მტაცებელი ძუძუმწოვარია კატისებრთა ოჯახიდან.
მისი სხეულის სიგრძე 80 სმ, მასა 16 კგ-ს აღწევს.
ბინადრობს სამხრეთ-აღმოსავლეთ აფრიკის წინა და სამხრეთ-აღმოსავლეთ აზიის მდინარეთა ხეობების ხშირ ბარდებში. ასევე, ვოლგის დელტაში, კასპიის ზღვის დასავლეთ სანაპიროზე, შუა აზიის მდინარეთა ხეობებში. საქართველოში გვხვდება მხოლოდ აღმოსავლეთ ნაწილში.
იკვებება ფრინველებით, ძუძუმწოვრებით.
რაც შეეხება ჭაჭუნას აღკვეთილს - ის დედოფლისწყაროს მუნიციპალიტეტში, ისტორიულ ქიზიყში მდებარეობს. წარმოადგენს წარსულში ჭაჭუნის სახელმწიფო სატყეო მეურნეობის ბაზაზე დაარსებულ დაცულ ტერიტორიას. აღკვეთილის საერთო ტერიტორია 5200 ჰექტარია, ის თბილისიდან 175 კილომეტრითაა დაშორებული.