კობახიძე: ქართული ოცნება უნდა გახდეს ე.წ. Think Tank-ი

პარტიაში ალბათ გაგრძელდება ცხოვრება იმ მიმართულებით, რომელიც ჩვენ გვაქვს იმთავითვე აღებული, თუმცა კიდევ ერთხელ გავიმეორებ - რეფორმების მეორე ტალღა არის ის, რაზეც უნდა დაიწყოს მუშაობა. ეს არის ინსტიტუციური რეფორმა პარტიის შიგნით, საჭიროა ბევრი მიმართულებით პარტიის გაძლიერება - იგივე საზოგადოებასთან ურთიერთობის კუთხით, იგივე ახალგაზრდებთან მუშაობის მიმართულებით. არაერთი მიმართულებით უნდა გავაძლიეროთ ჩვენ პარტიული მუშაობა. ანალიტიკური კუთხით ძალიან მნიშვნელოვანია პარტიის შესაძლებლობების განვითარება. პარტია უნდა გახდეს ერთგვარი ე.წ. Think Tank (ანალიტიკური ცენტრი) ამ სისტემაში, რომელიც დამატებითი რგოლია, რომელიც აანალიზებს პოლიტიკებს, პოლიტიკურ ცხოვრებას.