თბილისში მაღაზიის დაყაჩაღებისთვის ერთი პირი დააკავეს. ამის შესახებ ცენტრალური კრიმინალური პოლიციის დეპარტამენტის მთავარი სამმართველოს უფროსმა მამუკა ჭელიძემ დღეს გამართულ ბრიფინგზე განაცხადა.
"გუშინ, თბილისში, ერთ-ერთ მაღაზიაში, მოქალაქე ცივი იარაღის მუქარით ყაჩაღურად თავს დაესხა მოლარე-ოპერატორს და შემთხვევის ადგილიდან მიიმალა. ისანი-სამგორის სამმართველოს თანამშრომლებმა ბრალდებული ცხელ კვალზე, მომხდარიდან რამდენიმე წუთში დააკავეს. მის მიერ ჩადენილი დანაშაული 5-დან 7 წლამდე თავისუფლების აღკვეთას ითვალისწინებს" - აცხადებს შსს.
