ოზურგეთის რაიონულმა სასამართლომ ბრალდების მიერ წარდგენილი მტკიცებულებები სრულად გაიზიარა და განზრახ მკვლელობაში ბრალდებული ჯ.შ. დამნაშავედ ცნო საქართველოს სისხლის სამართლის კოდექსის 108-ე მუხლით და მას 9-წლიანი თავისუფლების აღკვეთა მიუსაჯა.
პროკურატურის ცნობით, მტკიცებულებებით დადასტურდა, რომ 2017 წლის 11 ოქტომბერს, დაახლოებით დღის 5 საათზე, ოზურგეთის მუნიციპალიტეტის სოფელ მელექედურში მცხოვრებ ჯ.შ.-ს შელაპარაკება მოუვიდა მ.ღ.-სთან, რა დროსაც ამ უკანასკნელმა ბრალდებულს რამდენჯერმე მოუქნია ხის ხელკეტი. უწყების ინფორმაციით, ამით განაწყენებულმა ჯ.შ.-მ განხზრახ მოკვლის მიზნით მ.ღ.-ს გულმკერდის არეში დანა დაარტყა, შემდეგ კი შემთხვევის ადგილიდან მიიმალა.
ცივი იარაღით მიყენებული დაზიანებების შედეგად, მ.ღ. ადგილზე გარდაიცვალა.
სამართალდამცავებმა ჯ.შ. 2017 წლის 12 ოქტომბერს ოზურგეთის მუნიციპალიტეტის სოფელ მელექედურში დააკავეს.
განზრახ მკვლელობა
განზრახ მკვლელობის ბრალდებით, ოზურგეთში მცხოვრებ პირს 9-წლიანი პატიმრობა მიუსაჯეს
