საფრანგეთის საპარლამენტო არჩევნების პირველ ტურში, ემანუელ მაკრონის პოლიტიკურმა მოძრაობამ La République En Marche! და მისმა მოკავშირე "დემოკრატიულმა მოძრაობამ" ამომრჩეველთა ხმების 32.3 % მიიღო.
ამ შედეგით მაკრონის მოძრაობა შესაძლო 577-დან 445 მანდატს მიიღებს.
მეორე ადგილზე საფრანგეთის რესპუბლიკური პარტია და მასთან ალიანსში მყოფი "დემოკრატებისა და დამოუკიდებლების კავშირი" გავიდა, მათ ამომრჩეველთა ხმების 21.5 % მიიღეს.
მარინ ლე პენის ეროვნულმა ფრონტმა კი ხმების 13.2 % მიიღო.
წინა საპარლამენტო არჩევნების გამარჯვებულმა სოციალისტურმა პარტიამ ხმების 9.5 % მოიპოვა, რაც მათ 200-ზე მეტ მანდატს დააკარგვინებს.
საპარლამენტო არჩევნების მეორე ტური 18 ივნისს გაიმართება.
ამომრჩეველთა აქტივობამ 48.4 % შეადგინა. 2012 წლის საპარლამენტო არჩევნების პირველ ტურში კი აქტივობა 57.2 %-ის ტოლი იყო.
