ელისაშვილი: მეჩვენება, რომ შენგელაიამ ცისფერი მთები ნარმანიაზე და მერიაზე გადაიღო

ნარმანიასთან არანაირი კითხვა არ მექნება დღეს. მაქვს ერთადერთი რჩევა, რაც უნდა ვუთხრა იმიტომ, რომ ხანდახან მეჩვენება, რომ "ცისფერი მთები" ელდარ შენგელაიამ გადაიღო ნარმანიაზე და თბილისის მერიაზე, სადაც შაბიამნის პარტია შეაქვთ, გამოქვთ და კაციშვილმა არ იცის, რა ფუნქცია აქვს, რისთვის არიან... თბილისის მერია დღეს არსებობს ფურცელზე და საბუღალტრო აღრიცხვაში, რომ მივიდნენ და თვის ბოლოს ხელფასი აიღონ. რეალურად, თბილისის მერია არ არსებობს. 2 წლისა და ერთი თვის თავზე გამოდის თბილისის მერი და მომავალში გველაპარაკება - ვაპირებთ, ვგეგმავთ, ვმუშაობთ... დარჩა მერობის 11 თვე და ახლა იძახის, რომ რაღაცას გეგმავს, აპირებს და რეორგანიზაციის იდეები აქვს. ეს ძალიან უხერხულია, ამდენად, მე მასთან კითხვები არ მაქვს.