წუხელ კანდელაკის ქუჩაზე დაჭრილი მამაკაცი გარდაიცვალა. ამის შესახებ ინფორმაცია ტაბულას შინაგან საქმეთა სამინისტროში დაუდასტურეს. შსს-ის ინფორმაციითვე, მკვლელობაში ბრალდებული დაკავებულია და გამოძიება მიმდინარეობს სისხლის სამართლის კოდექსის 108-ე და 236-ე მუხლებით, რაც განზრახ მკვლელობასა და ცეცხლსასროლი იარაღის მართლსაწინააღმდეგო შეძენა-შენახვა-ტარებას ითვალისწინებს.
შემთხვევა გუშინ ღამით კანდელაკის ქუჩაზე მოხდა. ცეცხლსასროლი იარაღიდან მიყენებული ჭრილობებით დაზარალებული რესპუბლიკურ საავადმყოფოში გადაიყვანეს, მაგრამ მისი გადარჩენა ვერ მოხერხდა. გავრცელებული ინფორმაციით, მას მრავლობითი ჭრილობები საფანტის თოფით ჰქონდა მიყენებული.
