მოთხოვნილი იქნა რუსთავი 2-ის წილების დაყადაღება, 100% წილების. ასევე მოთხოვნილი იქნა, რომ აეკრძალოს რუსთავი 2-ის ხელმძღვანელობას, გაასხვისოს დღეს რუსთავი 2-ის სახელზე რიცხული ქონება. მათ შორის, უძრავი და მოძრავი ქონებაც. რაც შეეხება ავტომობილებს, ეს პროცედურული საკითხია, დანარჩენ ქონებაზე მიმართვა ხდება საჯარო რეესტრისთვის, რაც განხორციელდა კიდევაც. ავტომობილების შემთხვევაში, ამას ახორციელებს სააღსრულებო ბიურო. დაყადაღება ხელს არ უშლის ამ ქონების გამოყენებაში რუსთავი 2-ს. დღეს მიღებულია გადაწყვეტილება, რომ აეკრძალოს რუსთავი 2-ს ამ ქონების გაყიდვა, გასხვისება - ანუ ეს უნდა დარჩეს რუსთავი 2-ში და რუსთავი 2-მა ჩვეულებრივ უნდა გამოიყენოს ეს ქონება, მათ შორის, აპარატურაც. უნდა გამოიყენოს იმ სახით, როგორც იყენებს. ამაში ხელს არავინ არ უშლის. დაყადაღება არის პრევენცია იმისთვის, რომ თუ დაკმაყოფილდება ქიბარ ხალვაშის სარჩელი, მერე არ გართულდეს ამ გადაწყვეტილების აღსრულება და არ მოხდეს დავის პერიოდში ამ ქონების გადაფორმება მესამე პირზე. ძალიან ბევრი ცხოვრობს საქართველოში დაყადაღებულ ბინებში, ძალიან ბევრი დადის საქართველოში დაყადაღებული ავტომობილებით, ძალიან ბევრ ადამიანს დაყადაღებულ ბინებში ცხოვრების უფლება არ ჰქონდა წლების განმავლობაში. აქედან გამომდინარე, ვთვლით, რომ არაფერი უსამართლო, არაფერი უჩვეულო არ ხდება.
tbl.ge/d6p
დაკოპირდა
ქიბარ ხალვაშის ადვოკატი პაატა სალია რუსთავი 2-ის ქონების ნაწილის დაყადაღებაზე.
ამავე თემაზე
- ღარიბაშვილი: რუსთავი 2-ის საქმეში მთავრობის მონაწილეობა გამორიცხულია
- მიატოვიჩი: მოვუწოდებ ხელისუფლებას, უზრუნველყოს მედიაპლურალიზმი საქართველოში
- გვარამია: აქიმიძე და დვალი მთავრობის ახალი ფსევდონიმები არიან
- ჩერგოლეიშვილი რუსთავი 2-ზე: ივანიშვილს ეს ბუმერანგივით მოხვდება და წააქცევს
- ბაქრაძე: ქიბარ ხალვაში არის ჭანჭიკი დიდ სახელისუფლებო თამაშში