აფხაზეთის დე ფაქტო რესპუბლიკის ე.წ. პრემიერმინისტრი ბესლან ბუთბა თანამდებობიდან გადადგა, - ამის შესახებ ინფორმაციას ITAR-TASS ავრცელებს.
ბესლან ბუთბას განცხადებით, ის ამ პოსტზე მუშაობის აზრს ვეღარ ხედავდა.
"მე არ დამიწერია ფორმალური წერილი გადადგომასთან დაკავშირებით, მხოლოდ პრეზიდენტს შევატყობინე თანამდებობის დატოვების შესახებ", - განაცხადა ბუთბამ.
გავრცელებული ინფორმაციით, ე.წ. პრეზიდენტმა რაულ ხაჯინბამ ბუთბას თხოვნა უკვე დააკმაყოფილა.
ბესლან ბუთბა დე ფაქტო პრემიერის პოსტს 2014 წლის სექტემბრიდან იკავებდა.
