„მინისტრები უშიშროების საბჭოს სხდომაზე გავაგზავნე და მათ პრეზიდენტს ინფორმაცია მიაწოდეს, რათა უელსის სამიტზე მომზადებული წარსდგნენ და სრული ინფორმაცია ჰქონდეთ“, - ამბობს საქართველოს პრემიერმინისტრი ირაკლი ღარიბაშვილი.
„გთხოვთ, დამატებით აჟიოტაჟს ნუ ატეხავთ - არაფერი არ ხდება რეალურად. ჩემი იქ დასწრება საჭირო არ იყო“, - მიმართა ჟურნალისტებს პრემიერმა.
როგორც პრემიერი აღნიშნავს, NATO-ს სამიტის შესახებ მთავრობამ იმსჯელა და გადაწყვიტა, რომ უელსის სამიტზე დელეგაციას პრეზიდენტი უხელმძღვანელებს. ღარიბაშვილის თქმით, პრეზიდენტი ასევე დაესწრება ISAF-ის შეკრებას.