ამერიკული General Electric (GE) ფრანგულ Alstom-ს იყიდის. 22 ივნისს Alstom-ის სამეთვალყურეო საბჭომ საბოლოოდ დაამტკიცა ამერიკული კომპანიის შეთავაზება და GE საფრანგეთის ენერგოგიგანტს 16.9 მილიარდ ამერიკულ დოლარად შეიძენს - ამის შესახებ ინფორმაციას Financial Times (FT) ავრცელებს.
შეთანხმების საბოლოოდ დამტკიცებამდე საფრანგეთის მთავრობამ წამოაყენა პირობა, რომ Alstom-ის 20%-ს სახელმწიფო იყიდდა, რის შედეგადაც საფრანგეთი GE-ს ერთერთ უმსხვილეს პარტნიორად იქცევა.
FT-ს მიხედვით GE-ს შეთავაზებამ უკან ჩამოიტოვა ისეთი გიგანტები, როგორიც არიან Siemens და Mitsubishi.
Alstom-ის წლიური ბრუნვა 3.8 მილიარდ ამერიკულ დოლარზე მეტია და ფრანგულ ბაზარზე ენერგეტიკის სექტორის ტოპ სამეულში შედის.
GE-ს ისტორიაში Alstom ყველაზე ძვირადღირებული შენაძენია.
