2008 წლის რუსეთ-საქართველოს აგვისტოს ომის შესახებ ჩატარებული კვლევის შედეგებს გენერალური შტაბი აპრილის ბოლომდე წარმომიდგენს, - თქვა საქართველოს თავდაცვის მინისტრმა ირაკლი ალასანიამ.
როგორც ალასანია ამბობს, მოგვიანებით, კვლევის შედეგები ქვეყნის პოლიტიკურ ხელმძღვანელობას წარედგინება.
„ეს გამოძიება არ არის. ჩვენი მთავარი ამოცანაა, ყველა შეცდომა, წარმატება შევისწავლოთ და ეს, ჩვენი თავდაცვის დოქტრინის გაუმჯობესების საფუძველი გახდეს", - ამბობს ირაკლი ალასანია.
