სამხრეთ კორეის სანაპიროსთან სამგზავრო ბორანი ჩაიძირა, რომელზეც 477 მგზავრი იმყოფებოდა. ინციდენტი სანაპიროდან 20 კილომეტრში მოხდა.
დაღუპულთა რაოდენობის შესახებ ურთიერთსაწინააღმდეგო ცნობები ვრცელდება. სანაპირო დაცვის ცნობით, მაშველებმა 360-ზე მეტი ადამიანის გადარჩენა შეძლეს. თუმცა მოგვიანებით, ხელისუფლებამ განაცხადა, რომ მხოლოდ 164 ადამიანის გადარჩენა მოხერხდა, 300-ზე მეტი კი, დაკარგულია.
შესაძლოა, ბორნის ჩაძირვის მიზეზი რიფთან შეჯახება გახდა.
მგზავრების უმრავლესობა სტუდენტები იყვნენ, რომლებიც კურორტზე მიემგზავრებოდნენ.
