საქართველოს პრემიერმინისტრმა ბიძინა ივანიშვილმა, საპარლამენტო უმცირესობის ინიციატივაზე, ქვეყნის საგარეო კურსის შესახებ საკონსტიტუციო ცვლილების თაობაზე, კომენტარი გააკეთა.
როგორც ივანიშვილმა ჟურნალისტებს დღეს განუცხადა, ნაციონალური მოძრაობის ინიციატივებს სერიოზულად არ აღიქვამს.
"უმცირესობის ინიციატივებს მე აღარ ვღებულობ სერიოზულად. იმდენ სიცრუეს საუბრობენ და ისეთი ყალბები გახდნენ, რომ მაგათზე მეტს სერიოზულად ვერ ვილაპარაკებ", - განაცხადა ბიძინა ივანიშვილმა.
შეგახსენებთ, საპარლამენტო უმცირესობა საქართველოს საგარეო კურსზე საკონსტიტუციო ცვლილებების შემუშავების ინიციატივით გამოდის. ამის შესახებ, გუშინდელ პრესკონფერენციაზე საპარლამენტო უმცირესობის ლიდერმა, დავით ბაქრაძემ განაცხადა.