შინაგან საქმეთა სამინისტროში ვანო მერაბიშვილის დაკითხვა დასრულდა. ნაციონალური მოძრაობის გენერალურმა მდივანმა შსს–ს შენობა უკვე დატოვა.
"სიმბოლური იყო ჩემი ყოფნა პოლიციაში. სიამაყით მევსება გული როდესაც პატრულს ვხედავ. დასანანია, რომ ივანიშვილი ცდილობს პოლიცია და შინაგან საქმეთა სამინისტრო ოპოზიციის წინააღმდეგ რეპრესიულ მანქანად გამოიყენოს," - განაცხადა ვანო მერაბიშვილმა.
ვანო მერაბიშვილი დაკითხვაზე დღეს 18:00 საათზე დაიბარეს, მას შემდეგ, რაც შსს–მ გაავრცელა ინფორმაცია, რომლის თანახმად ყოფილი პრემიერმინისტრი ყალბი დოკუმენტის გამოყენებით ცდილობდა სახელმწიფო საზღვის გადაკვეთას. თავად მერაბიშვილმა დღეს გამართულ პრესკონფერენციაზე ამ ინფორმაციას აბსურდული უწოდა.
