20 საათზე ტელეკომპანიებმა რუსთავი 2 და იმედი მაყურებელს ამერიკული კვლევითი კომპანიის Edison Research-ის მიერ წარმოებული ეგზიტპოლის შედეგები გააცნო.
16:00 საათისთვის არსებული მონაცემებით ქართული ოცნება ლიდერობს, მას გამოკითხულთა 51% უჭერს მხარს, მეორე ადგილზე ერთიანი ნაციონალური მოძრაობაა 41%, მესამე ადგილს 4%-ით ქრისტიან დემოკრატიული პარტია იკავებს. ლეიბორისტულ პარტიას 1% უჭერს მხარს, ხოლო ყველა სხვა დანარჩენ პარტიას 3%. გამოკითხულთა 35% უარი განაცხადა ეპასუხა კითხვაზე, თუ ვის მისცა ხმა არჩევნებზე. ეს არის ეგზიტპოლების 4 საათის შედეგი, საბოლოო შედეგი მოგვიანებით გახდება ცნობილი.
Edison Research-ი 1994 წელს დაარსდა, 1996 წლიდან კი იგი აქტიურად აწარმოებს კვლევებს აშშ-ის წამყვანი მედიასაშუალებებისთვის. კომპანიის კლიენტებს შორისაა ABC, CBS, CNN, FOX, NBC და Associated Press.
