საქართველოში ამერიკის ეროვნულ-დემოკრატიული ინსტიტუტის (NDI) ოფისის ხელმძღვანელმა ლუის ნავარომ, NDI-ს მიერ ჩატარებული კვლევის შედეგებზე ისაუბრა.
"როგორც კვლევამ აჩვენა, საქართველოს მოსახლეობას იმაზე უფრო ნიუანსური და დეტალური დამოკიდებულება აქვს პოლიტიკის მიმართ, ვიდრე პოლიტიკოსებს გააჩნიათ და მედიის საშუალებით შუქდება. მედია და პოლიტიკური პარტიები ყველაფერს უფრო შავ-თეთრ ფერებში უყურებენ, ხოლო საქართველოს მოსახლეობას ამ ყველაფრის მიმართ მრავალფეროვანი დამოკიდებულება აქვს"-განაცხადა ლუის ნავარომ ჟურნალისტებთან საუბრისას.
NDI-ს კვლევის საველე სამუშაოები საქართველოს მასშტაბით, 4 ივნისიდან - 22 ივნისის პერიოდში, 6,299 პირისპირ ინტერვიუს წარმომადგელობითი შერჩევის საფუძველზე ჩატარდა.
კვლევის პრეზენტაცია დღეს გაიმართა.
