ქალთა ფონდი საქართველოში, დღეს, 8 მარტს, 18:00 საათზე, ქალთა საერთაშორისო დღესთან დაკავშირებით, ევროპის სახლში აწყობს ქართველი ხელოვანი ქალბატონების ნამუშევრების გამოფენას და დისკუსიას, სახელწოდებით „სხვა 8 მარტი“.
პროექტის სახელწოდება გამოხატავს პროტესტს ამ დღესასწაულის საბჭოთა პერიოდში შეძენილი კონტექსტის მიმართ.
გამოფენაზე წარმოდგენილი იქნება ფოტო და ვიდეო ნამუშევრები, ნახატები, მინანქარი, ინსტალაციები, მოეწყობა პერფორმანსი გენდერული თანასწორობის თემაზე.
„სხვა 8 მარტის“ მიზანია ეს თარიღი არ შემოიფარგლებოდეს მხოლოდ ყვავილების ჩუქების რიტუალით. ამ დღეს ქალთა პრობლემებზე მსჯელობა და საზოგადოებისთვის მათი არსებობის შეხსენება უნდა ხდებოდეს.
გამოფენაში მონაწილეობას ღებულობენ:
სალომე რიგვავა, სოფო ჩერქეზიშვილი, თამარ მაღლაფერიძე –დადეშქელიანი, ელენე რაქვიაშვილი ,მარი ნაკანი–მამასახლისი, ნათელა გრიგალაშვილი, ლულუ გამყრელიძე, ნინო სეხნიაშვილი, ია ბახტაძე, თათა ცაციაშვილი; ანუკ ბელუგა, ნატა ლაზარაშვილი, ეკა მახათაძე, სალომე კოშხაძე,
გამოდენა 11 მართამდე გაგრძელდება.
მისამართი: თავისუფლების მოედანი 1
