ქართუ ჯგუფის წარმომადგენლები დიპლომატიური კორპუსის წარმომადგენლებს შეხვდნენ და მათ აცნობეს, რომ საქართველოში შემომავალი ქართუ ჯგუფის ტვირთი ორი თვეა საბაჟოს „წითელ ზონაში“ ხვდება და იქ დეტალურ შემოწმებას გადის . ქართუ ჯგუფი ირწმუნება, რომ თუ ოქტომბრამდე ტვირთის დეტალური დათვალიერება 5-10 პროცენტის შემთხვევაში ხდებოდა, ამჟამად კი ასეთ შემოწმებას ტვირთის თითქმის 100 პროცენტი გადის . ქართუ ჯგუფის წარმომადგენლებმა შეხვედრაზე აღნიშნეს ისიც, რომ დეტალური შემოწმებისას ტვირთის ნაწილი ზიანდება , რის გამოც მიღებული ზარალი უკვე ნახევარ მილიონს შეადგენს. ჯგუფის წვერები შენიშნავენ, რომ ტვირთებზე კონტროლის გაძლიერება ბიძინა ივანიშვილის პოლიტიკური კუთხით გააქტიურებას დაემთხვა.
ბიზნესი
