საქართველოს პრეზიდენტის ადმინისტრაცია ამერიკელი მილიარდერის, დონალდ ტრამპის საქართველოში ვიზიტის თარიღს არ აკონკრეტებს. პრეზიდენტის პრეს-სპიკერმა მანანა მანჯგალაძემ დღევანდელ ბრიფინგზე განაცხადა,რომ დონალდ ტრამპი საქართველოში ნამდვილად ჩამოდის, თუმცა ვიზიტის ზუსტი თარიღი მოგვიანებით გახდება ცნობილი.
ამერიკელი მილიარდერი დონალდ ტრამპი საქართველოში 17 დეკემბერს უნდა ჩამოსულიყო , ის ბათუმში "ტრამპ თაუერის" მშენებლობის გენერალური გეგმის პრეზენტაციას უნდა დასწრებოდა, თუმცა ტრამპის ვიზიტი გადაიდო.
