იტალიის ახალი პრემიერ-მინისტრი მარიო მონტი მომავალ მინისტრთა კაბინეტში ფინანსთა მინისტრიც იქნება. ამის შესახებ მონტიმ დღეს , მაშინ განაცხადა, როცა იტალიის პრემიერ-მინისტრად დანიშვნა დაადასტურა. იტალიის ახალი მთავრობის ფორმირება უახლოეს მომავალში იგეგმება. უკვე ცნობილია რამდენიმე კანდიდატურის ვინაობაც.
მარიო მონტი, ერთ-ერთი ავტორიტეტული იტალიელი ეკონომისტია. იტალიის პრემიერის პოსტზე მან სილვიო ბერლუსკონი შეცვალა.
იტალიის ახალი მინისტრთა კაბინეტის მთავარი ამოცანა იქნება საფინანსო-ეკონომიკურ კრიზისთან გამკლავება, რომლის წინაშეც იტალია აღმოჩნდა.
