პრეზიდენტმა სააკაშვილმა დღევანდელ მთავრობის სხდომაზე გამოხატა უკმაყოფილება ქართული ღვინის ახალ ბაზრებზე გასვლის დაბალი ტემპის გამო და თანამდებობიდან გაათავისუფლა ”სამტრესტის” ( საქართველოს ვაზისა და ღვინის დეპარტამენტი ) ხელმძღვანელი ვასილ მანაგაძე . პრეზიდენტმა სოფლის მეურნეობის მინისტრს ზაზა გოროზიას ”სამტრესტის” ახალი ხელმძღვანელის მოძებნა დაავალა. ” აღარ უნდა ისმოდეს შეკითხვა გავალთ თუ არა რუსეთის ბაზარზე.. რატომ უნდა ვიყოთ ჩამოკიდებული ვიღაც მანიაკ ონიშენკოზე?”- აღნიშნა პრეზიდენტმა სააკაშვილმა. ონიშენკო როსპოტრებნადზორის ხელმძღვანელია. მან 2006 წელს მომხმარებელთა უსაფრთხოების მოტივით ახსნა რუსეთის ბაზარზე ქართული ღვინის და მინერალური წყლების აკრძალვა.
დღევანდელ მთავრობის სხდომაზე საქართველოს პრემიერ-მინისტრმა ნიკა გილაურმა განაცხადა, რომ წელს ქართული ღვინის ექსპორტი 18 მილიონ ბოთლამდე გაიზარდა, მაშინ როცა 2010 წელს ეს მაჩვენებელი 14 მილიონს აღწევდა. გილაურის თქმით, საქართველოს მიზანია წლიური ექსპორტი 27-30 მილიონ ბოთლამდე გაზარდოს. პრემიერ-მინისტრის მოსაზრებით, ეს შესაძლებელია ახალ ბაზრებზე, მათ შორის ჩინეთის და კანადის ბაზარზე გასვლით.
დღევანდელ მთავრობის სხდომაზე საქართველოს პრემიერ-მინისტრმა ნიკა გილაურმა განაცხადა, რომ წელს ქართული ღვინის ექსპორტი 18 მილიონ ბოთლამდე გაიზარდა, მაშინ როცა 2010 წელს ეს მაჩვენებელი 14 მილიონს აღწევდა. გილაურის თქმით, საქართველოს მიზანია წლიური ექსპორტი 27-30 მილიონ ბოთლამდე გაზარდოს. პრემიერ-მინისტრის მოსაზრებით, ეს შესაძლებელია ახალ ბაზრებზე, მათ შორის ჩინეთის და კანადის ბაზარზე გასვლით.
