აზერბაიჯანმა გაეროს უშიშროების საბჭოში არამუდმივი წევრის ადგილი დაიკავა. გენერალურ ასამბლეაში მას 193 სახელმწიფოდან 155-მა ქვეყანამ დაუჭირა მხარი. აღსანიშნავია, რომ ბაქოსთან ერთად, ორი წლის ვადით, საბჭოს დროებითი წევრები პაკისტანი, მაროკო, გვატემალა და ტოგო გახდნენ. აზერბაიჯანის მთავარი ოპონენტები სლოვენია და უნგრეთი გახლდათ. ისინი აღმოსავლეთ ევროპისთვის განკუთვნილი ადგილისთვის იბრძოდნენ. აზერბაიჯანის საგარეო საქმეთა მინისტრის განცხადებით, მისი ქვეყანა დამსახურებულად აირჩიეს.
გაეროს უშიშროების საბჭო 15 წევრისგან შედგება. რუსეთი, დიდი ბრიტანეთი, ჩინეთი, საფრანგეთი და აშშ უშიშროების საბჭოს მუდმივი წვერებია, დანარჩენ 10 ადგილს არამუდმივი წევრები იკავებენ, მათ კი გენერალური ასამბლეა 2 წლით ირჩევს. ყოველწლიურად უშიშროების საბჭოში 5 არამუდმივი წევრი იცვლება. აღსანიშნავია, რომ გაეროს უშიშროების საბჭოში ვეტოს უფლება მხოლოდ მუდმივ წვერებს აქვთ.
გაერო
