აფხაზეთის ე.წ. რესპუბლიკის ლიდერი ალექსანდრე ანქვაბი საკადრო და სტრუქტურულ ცვლილებებს გეგმავს. სააგენტო აფსნიპრესისთვის მიცემულ ინტერვიუში მან თქვა:” საკონსტიტუციო ცვლილებებითა და პარლამენტის თანხმობით უნდა გადაწყდეს ვიცე-პრეზიდენტის, პრემიერ-მინისტრის და ვიცე-პრემიერების პოსტების შემდგომი არსებობის საკითხი”. ანქვაბმა განაცხადა იმის შესახებაც, რომ საქართველოს ოკუპირებულ ტერიტორიაზე მისი თაოსნობით მალე ის გარდაქმნები განხორციელდება, რომელთა გატარებასაც კანონმდებლობაში ცვლილებები არ ესაჭიროება. აფხაზეთის ე.წ. პრეზიდენტის თქმით , მისგან ბევრ დავალებას მიიღებს დე ფაქტო გენერალური პროკურატურა.
