”ამ შემოდგომით საქართველო ძალიან სერიოზულ გარღვევას ელოდება ევროკავშირში ინტეგრაციის კუთხით” - განაცხადა პოლონეთში ვიზიტად მყოფმა მიხეილ სააკაშვილმა. საქართველოს პრეზიდენტი პოლონეთში შეხვდა ამ ქვეყნის პრემიერ-მინისტრს დონალდ ტუსკის. აღმოსავლეთის პარტნიორობის სამიტის წინ ( რომელსაც ევროკავშირის ამჟამინდელი თავმჯდომარე ქვეყნის დედაქალაქი ვარშავა 29-30 სექტემბერს უმასპიძლებს) ტუსკთან შეხვედრას სააკაშვილმა ძალიან მნიშვნელოვანი უწოდა. მისი თქმით წლევანდელი შემოდგომა საქართველოსთვის იქნება ევროპული შემოდგომა იმ გაგებით, რომ წლის ბოლომდე გადაიდგმება მორიგი ნაბიჯები ევროკავშირში ინტეგრაციის გზაზე.
” ტაბულას” პარლამენტის ევროპასთან ინტეგრაციის კომიტეტის თავმჯდომარემ დავით დარჩიაშვილმა განუმარტა, რომ სავარაუდოდ, წლის ბოლომდე მოსალოდნელია ევროკავშირთან დაიწყოს მოლაპარაკებები თავისუფალი ვაჭრობის შესახებ შეთანხმების გასაფორმებლად და ასევე, შესაძლოა, ევროკავშირის მოქმედმა თავმჯდომარე ქვეყანამ - პოლონეთმა , საქართველოსთან სავიზო რეჟიმის შემდგომი ლიბერალიზაციის საკითხი დააყენოს.
