თბილისი-რუსთავის ავტომაგისტრალზე მომხდარი ავარიის შედეგად 1 პირი დაიღუპა. ინფორმაცია ტაბულას შინაგან საქმეთა სამინისტროში დაუდასტურეს.
ადგილობრივი მედია ინფო რუსთავის ცნობით, ერთმანეთს ექსკურსიის მიკროავტობუსები და მსუბუქი ავტომობილი დაეჯახა. მათივე თქმით, ბავშვებმა მსუბუქი დაზიანებები მიიღეს.
შსს-ს ინფორმაციით, შემთხვევას ერთ-ერთი მიკროავტობუსის მძღოლი ემსხვერპლა.
უწყების განცხადებით, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.
